小龍女的樂園: January, 2007

1/22/2007

大家好,真係好耐冇上黎寫日記啦...但係上兩個星期見返個舊同事,佢問我做咩咁耐冇寫近況,佢話佢成日會睇,所以我都應該寫返D近況比各界好友知.

回顧2006年真係又黑,身體又唔好,亞仔亞女又成日病,樣樣都好似唔多順咁,真係唔開心呀...

首先講下我既身體,由2005年11月起,因發現有甲狀腺過高,所以要食藥控制,但係D藥又有腐作用,唔單止肥左廿幾三十磅,仲成日生瘡,醫生仲話要食2年,所以食左半年就唔敢食啦,年中開左刀,終於唔洗食藥同成日抽血啦,不過每半年都要驗下,總好過之前...

亞仔同亞女2006年除左成日病之外,分別都因肺炎要住院,仲一住就要住5日,我又要陪佢地訓醫院,我今年大大話話都訓左兩三個星期醫院,真係慘.

工作,因以上既問題令我無心工作,所以令我有一年入行以來最唔開心既事發生左,咩事就唔想再提啦,都唔方便提.

家庭,除左屋企人既健康外,個工人又令我煩左一段時間,因為有收數公司上門,都唔知抄唔抄佢好,我老公又唔想抄,但係我又好擔心,都唔知點算.

2006年衰年終於過去啦,希望2007年有個新開始,我都希望大家同我一樣,新一年事事順利,身體健康,D好野會繼續黎^_^!!!