| 小龍女's profile小龍女的樂園PhotosBlogLists |  Tools  Help |
|
3/3/2009 我又回來啦.....5/19/2008 參觀益力多廠上星期同亞仔亞女去參觀益力多廠,
亞仔就跟學校去, 所以冇得攬住佢影相啦... 不過好彩亞仔話要去洗手間, 就偷偷地影返張 希望可以做多D善事自從上次紫瑩梓豪學校的賣旗活動後, 紫瑩對做善事及做義工的認識加深了很多, 所以上個月經過地鐵站見到廣告版上招請義工賣旗, 我便打電話去登記, 於是上星期六我便帶同亞仔亞女一齊去做義工, 當天起初心情都好好, 但賣到中段瑩瑩突然唔舒服, 所以賣到11:00便停止了, 不過錢袋都已經好重啦, 真的希望我的付出可以幫到更多有需要的人. 5/5/2008 今年第一次游水自從有左兩隻化骨龍, 放假都好似沒有自己的假期, 因為會比佢地煩住, 想自己出去玩下都唔得, 所以星期日都唔例外, 今日工人放假, 我只好乖乖留在家, 食完中午飯, Yoyo 突然話好想去游水, 難得老公又放假, 所以就應承左佢..
當換泳衣時... 死啦... 又肥左..... 都係要做下運動先得, 所以去到泳池我好積極游..雖然唔係好識, 不過都好過冇 ...  9/17/2007 梓豪返學啦.....梓豪人生第一日返學終於到啦... 他好叻呀, 唔單止冇喊,
仲好快習慣, 真係好啦... 唔洗擔心.
不過仲有一樣野要煩, 就係亞女要開始選擇小學啦...
 , 都唔知報直資好, 定係官立, 原來已經遲左報啦.. 因為有好多
直資學校已經停止報名啦... 好在仲報到一間, 不過要等面試,
希望有得見啦.. 1/22/2007 回顧2006年的大事大家好,真係好耐冇上黎寫日記啦...但係上兩個星期見返個舊同事,佢問我做咩咁耐冇寫近況,佢話佢成日會睇,所以我都應該寫返D近況比各界好友知.
回顧2006年真係又黑,身體又唔好,亞仔亞女又成日病,樣樣都好似唔多順咁,真係唔開心呀...
首先講下我既身體,由2005年11月起,因發現有甲狀腺過高,所以要食藥控制,但係D藥又有腐作用,唔單止肥左廿幾三十磅,仲成日生瘡,醫生仲話要食2年,所以食左半年就唔敢食啦,年中開左刀,終於唔洗食藥同成日抽血啦,不過每半年都要驗下,總好過之前...
亞仔同亞女2006年除左成日病之外,分別都因肺炎要住院,仲一住就要住5日,我又要陪佢地訓醫院,我今年大大話話都訓左兩三個星期醫院,真係慘.
工作,因以上既問題令我無心工作,所以令我有一年入行以來最唔開心既事發生左,咩事就唔想再提啦,都唔方便提.
家庭,除左屋企人既健康外,個工人又令我煩左一段時間,因為有收數公司上門,都唔知抄唔抄佢好,我老公又唔想抄,但係我又好擔心,都唔知點算.
2006年衰年終於過去啦,希望2007年有個新開始,我都希望大家同我一樣,新一年事事順利,身體健康,D好野會繼續黎^_^!!!
8/7/2006 我返來啦....好耐冇見啦..... 我經過成個月既休息, 身體已經好返好多啦 ^_^ !! 好多謝各界朋友既關心, 同埋特登黎醫院探我既朋友, Thanks !! 不過好傷呀, 因為個手術做左成4個幾鐘, 所以麻醉左好耐, 而家可能仲有少少遲鈍, 記性又差左, 醫生話過多兩三個月再驗下血, 睇下個進展, 如果冇咩野, 應該可以唔洗食藥, 真係仲有少少擔心. 6/25/2006 好多謝你地既關心今次既病雖然好辛苦, 但係身邊既親戚朋友對我既關心令我好感恩, 有你地既支持, 我一定會努力.....
距離入院既時間好近... 我星期一早上入院, 星期二10:00am就開刀, 醫生話手術時要全身麻醉及做3小時, 一聽到要做咁耐, 即刻就好驚, 不過我諗我麻醉左, 應該咩都唔知, 在手術室門口等既親友就擔心0的...
 近來0的朋友打電話來問候我時, 原來佢地身邊都有好多人有呢個病, 可見而家好多都市人可能做野壓力太大, 很容易有病, 大家要好好保養自己既身子, 如果唔係有病既話, 就雙重痛苦....(一)是身心痛苦 (二)是金錢痛苦, 今次既手術醫生話手術費都要二萬, 仲有醫院既收費, 我諗出院都可能要三萬幾..... 好貴... 好在我份保險都應該夠Cover, 如果唔係就慘啦....
 好啦... 我要訓啦.. 出院再見啦.....
6/17/2006 好驚呀, 要開刀啦....不知不覺....發現自己既病都有大半年, 起初只諗住唔想開刀, 食左藥睇下會唔會好D, 點知食左6個月, 情況都不大理想, 醫生話依我既情況, 如果繼續食藥, 應該都要食好耐, 但係食藥有好多瘸作用, 我食左呢6個月, 身體多左好多暗瘡, 臉上又出左紅疹, 連M都冇埋, 好驚呀, 同埋, 我本身有肝炎, 食咁多藥要個肝去消化, 我驚個肝支持唔住, 到時仲大件事.......
所以我決定開刀, 醫生話開刀有八成機會唔洗再食藥, 希望手術成功我就可以唔洗再食藥, 唔洗再抽血...(而家每三個星期就要抽血, 真係好驚好痛....).
我真係唔想再受呢D痛苦, 希望經過今次大手術, 我既身體可以回復一個健康既身體, 我會好好保護佢... 神 你要幫我.... 6/9/2006 過去一個月的近況好耐冇上黎分享啦..... 你地有冇掛住我呀, 好啦... 講下我既近況...
2005-05-09 我去左韓國玩左5日, 跟團同埋幾個同事一齊去, 其中一個同事同老公去補渡蜜月, 我地一行5人, 最初都玩得好開心, 玩到第三日晚上, 我地去左夢幻樂園玩機動遊戲, 臨走之前有表演及唱歌, 我地玩得好興奮, 所以企上椅上一齊高呼, 唔知係唔係轉得勁過頭, 其中一個同事(Keon)失左重心, 跌底左, 手腳損晒. 返到酒店後, 團中有個團友, 唔知0係邊度買左隻雞蛋比Keon碌, 碌碌下隻雞蛋凍左, 唔知點解我地住果間酒店有個微波爐, 於是我地放左隻雞蛋叮左30秒, 攞出來一陣, 隻雞蛋突然爆炸, 炸到我同事既老公及Keon, 好在Keon有眼鏡, 所以冇傷到, 不過我同事既老公就慘啦.... 0的雞蛋炸傷左佢個面及眼, 我地即時同左佢去醫院, 之後佢地兩公婆就提早返香港, 剩底我地三個繼續旅程, 真係冇晒心機, 好彩人地既老公而家隻眼已經冇事, 睇返野啦....
2006-05-25 我地成家人去左澳門, 因為我四阿姨佢地搬新屋, 擺入伙酒, 好多人呀, 佢擺左20幾圍, 佢間新屋真係好大好靚, 3000幾尺, 有四間房, 加一間工人房, 有三個係套房(加埋工人房), 張張寐都係6尺, 好正呀!! 其實佢以前間屋都有千幾尺, 都好靚架, 好開心, 下次去澳門大把地方住.....
2006-05-31 我又去左珠海, 今次陪兩個朋友去做激光(眼), 本應我都一齊做架, 不過因為我有甲狀腺, 食緊藥, 所以醫生叫我唔好做住, 等停左藥先至做, 見到佢地手術成功, 真係好開心, 不過我自己冇得做, 真係好失望.....^~^
 4/25/2006 人死了會去邊??前幾日同朋友食飯, 突然間講開"死"呢個話題, 我以前都有諗過, 如果人死左仲可以留在家人身邊都幾好, 如果唔係死左會去邊?? 係唔係真係有天堂同地獄??
講開死, 我覺得死左都幾恐佈, 在殯儀館, 自己訓0係間房, 同埋我覺得殯儀館既佈置同氣氛都唔好, 如果我第時死左, 我真係唔想訓0係果0的咁恐怖既棺材度, 如果可以佈置到個場地好彩色, 好多公仔, 都幾好.......咁咪唔會咁恐怖........ 我的最愛我最鐘意的.......
男歌星 : Alan Tam, 陳百強
女歌星 : 鄭秀文
歌曲 : 霧之戀, 忘不了你, 回到我身邊, 唯獨你是不可取替
男演員 : Alan Tam, Andy Lau
女演員 : 劉嘉玲
電影 : 陰陽錯, 我左眼見到鬼
食物 : 四寶飯, 壽司, BBQ
生果 : Mango, 西瓜, 荔枝, 山竹
顏色 : 黄, 紫, 青
運動 : 踏單車, 乒乓球
嗜好 : 上網, 打麻雀
愛去處 : 郊區, 所有未去過既地方
想做 : 揸車遊遍全香港
夢想 : 要擁有自己既車, 自己既屋(在海邊)
最討厭的人 : 斤斤計較既人, 冇主見既人
最討厭的事 : 鼻敏感, 安排好的事突然改變
希望到的地方 : 荷蘭
收藏品 : Alan Tam 唱片, 郵票, 電話卡
難忘事 : 等了10幾年終於可以坐第一行睇Alan演唱會及同Alan握手
最想多謝既人 : 媽媽
最鍾意既人 : 紫瑩, 梓豪
4/20/2006 好慘呀今日好慘呀!! 又要抽血啦...
0的藥食曬, 尋日諗住去政府診所睇醫生同攞藥食, 因為私家實在好貴, 每個月要成千蚊, 點知個醫生話要抽左血, 睇埋個報告先比藥我, 個醫生仲話佢地果度0的藥既腐作用好大, 私家果度既藥好0的, 都唔知係唔係想我返私家睇.......
冇藥食, 所以返私家睇住先, 自從食左藥之後, 肥左10幾20磅, 好慘呀!! 好想減肥, 但係醫生又話我心跳太快, 叫我唔好做運動, 驚我心臟負荷唔到, 都唔知點算  . 4/9/2006 生日今日過左過開心既生日, 雖然呢個生日只係身份証上的生日,但係呢個日子跟左我咁耐, 我都已經將呢個日子當做係自己既生日.
0係呢度, 真係多謝記得我生日既朋友, 收到你地既祝福及禮物, 真係非常開心, 同埋在百忙中抽時間同我食飯既朋友們, 真係真係非常多謝........
個天真係對我好好, 放左一大班對我咁好既朋友0係我身邊.
雖然生日過得好開心, 不過有件事又令我好擔心, 就係亞仔同亞女仲病緊, 又唔知佢地情況, 只係見到佢地好辛苦, 真係心都痛, 如果可以幫佢地病就好啦.... 所以我今年既生日願望係想一家人身體健康, 平平安安 .....
4/4/2006 瑩瑩發燒今晚終於有時間上網啦.. 星期六~日忙左兩日, 因為公司租左屯門市廣場一個舖位比我地去Sale AIG Credit Card, 而家做野真辛苦, 咩都要做, 好在個舖位既位置都幾好, 做左兩日成績都可以接受, 企左兩日, 條腰都痛埋. 不過最唔好就係呢兩日瑩瑩唔舒服, 又咳, 又發燒, 所以做都做得唔安樂, 又唔想浪費左個場地, 真係進退兩難. 所以星期日我都早走, 企到6:00pm 就走, 但係屯門返屋企好遠, 車程都要個幾鐘, 買埋送返到屋企都8:00pm.........
返到屋企仲想休息下, 點知一幫瑩瑩探熱就嚇親, 佢竟然燒到104度, 嚇死我呀, 即刻比退燒藥佢食, 諗住會好些, 但係到11:30pm都唔退燒, 所以就同左佢去浸會醫院睇急診, 好在醫生話佢冇咩野, 可以返屋企食藥...... 成晚都冇訓, 做人亞媽真辛苦, 做左人亞媽先知原來自己亞媽以前照顧我地四姊妹係咁辛苦..... 3/23/2006 第一編日誌各界親朋好友,
這是我第一編的日記,
我希望可以將自己生活入邊既 "喜怒哀樂" 同你地分享,
等"成日見, 好少見" 既朋友都可以知我的近況......
其實我細個果陣已經好想寫日記, 不過又驚比人偷睇,
因為我成日都覺得日記係用黎寫秘密, 所以冇寫過,
不過又諗, 如果我第時有咩事, 就冇人知我想點, 又冇人知我諗咩,
所以我將會0係呢個空間舒發下我既心情.......
歡迎睇完比0的回應.......
|
.jpg)
.jpg)
|
|
